ما قلت أحبك

ما قلت أحبك ولا قد قلت ما أحبك
أحب مالي عيوني وإنت تسواها
لو تدري اشكثر تعني لي تعرف إنك
آخر أمل في حياتي و أول مناها

يا كثر احس ان بك مني وبي منك
روح قسمها على شخصين مولاها
لا تقول شتحب فيني أعشقك كلك
من ليل شعرك لشمسك وآخر أقصاها
سميتني نصفك الثاني ويا شحك
أنا بسميك كلي وإنتا معناها

تعبت أوديك له يا قلب ويردك
لاخذ حلومي ولا خلاني أنساها
كل الحمام استراح وناح في ظلك
والورد الأصفر سقته الروح من ماها
ليتك بعمري ثلاث أشخاص ما املك
واحد معي دوم واحد روحي يملاها
والثالث بجفن عيني لا فقد حسك
أو غمض الجفن جاني فيك يتباهى

مو بس أحبك أنا والله من حبك
أحب حتى ثرى الأرض اللي تطاها